Toyota XV80 индексті тоғызыншы буындағы Camry-ді былтыр қарашада таныстырған. Автомобиль Crown және Prius стилінде жасалған алдыңғы бөлігі, өзгеше артқы жағы және заманауи интерьерімен терең рестайлингке ұқсайды. V6 седанның мотор гаммасынан шықты, қазір вариатор және толық жетекпен жұмыс істейтін 2.5 литрлік моторға негізделген гибрид түрленім ең қуатты нұсқа саналады.
Қазақстанда «сексендіктің» ресми саудасы әлі басталған жоқ, бірақ жаңа модель елге келіп үлгерді. Машина бізге Қытайдан келеді, Camry аспан асты елінде өндіріліп жатыр. Модельді Toyota мен GAC бірлескен кәсіпорны шығарады. Қытайда шықққан седанның сырт пішіні Америкадағы нұсқадан аздап өзгеше, интерьері мүлде басқаша. Машина 173 ат күшіне ие 2 литрлік бензинді мотор немесе соған негізделген 197 ат күшіне ие гибрид құрылыммен жүреді. Екі нұсқа да вариатормен жұптасады. Кейінірек Қытайда 2.5 литрлік моторы бар машина да сатылады.
Қытайда 2 литрлік моторы бар «сексендік» теңгемен есептегенде 10.6–12.2 млн теңге тұрады, ал гибрид нұсқасын 11.2–12.8 млн теңгеге алуға болады.
Kolesa.kz-те алпыстан аса қытайлық Camry сатылып жатыр. Олар едәуір қымбат. Ең арзаны 14.3 млн теңге сұрап тұр. Бірақ ол заказ бойынша келетін көлік, яғни, оны кедендік рәсімдеуден өткізіп, тіркеу қажат.
Ал барлық кедендік рәсімдерден өткен машиналар 17.3–18.9 млн теңгеге сатылып жатыр. Сатушылар біздің нарыққа негізінен жақсы жабдықталған қарапайым бензинді автомобильдерді ұсынып отыр, арасында гибрид көліктер де бар, бірақ олар стандат Camry-ден қымбат емес.
Ресми дилерлер Қытайдан келген жаңа Camry XV80-ді Жапонияда шыққан 2.5 литрлік моторы бар «жетпістіктің» бағасына сатып жатыр. Яғни, ең қолжетімді «Комфорт» комплектациясы 17.3 млн теңге, ал ең үздік «Люкс» түрленімі 21.5 млн теңге тұрады.
Комментариев: 0